أحمد حسن الديب، شاعر عامية شاب من مواليد الثمانينيات، يعمل بالمحاماة، وله قصائد مسجلة في هيئة “الرقابة على المصنفات الفنية”، وهو يستعد للتعاون مع عدد من المطربين الشباب، منهم هاني عادل ومحمد نور مصطفى حجاج وأيهم.
وسوف نستعرض فيما يأتي قصيدة للموهوب الشاب أحمد حسن الديب بعنوان “كلمة باقية”
شعر: أحمد حسن الديب
كلمة باقية
لسه فاضل كلمة باقية
كلمة بتعافر تعيش
حتى لو أحلامنا ساقية
قادرة تزرع من مفيش
والنَّاس تشوفني تقول حجر
ولا أتوجع ولا اتكسر
عايش وراضي بالقدر
شبعت من غدر البشر
شايف في وسط الضلمة نور
وحلمي ممنوع من الظهور
دايما بحس إني ف خطر
طريق حياتي ودنيتي
أهزم همومي بضحكتي
ولا يوم هايمنعني بشر
راح أشيل هم الغلابة
وراح أطبطب ع التعابة
هاحط وردي في الرمال
وأجيب من الغيمة آمال
أملي إن أعيش حياتي حر
عشقت اسمي
كلي أمل بإن بكرة شايلي فرح
بإنه أحلى من اللي فات
أكيد هيمسح أي جرح
هيبتدي بتحديات
تحدي أفكاري وطموحي
وتحدي للي ساكنة روحي
واخواتي وأصحابي الكتار
وأمي وأبويا وكل جار
خطة وأساس وحساب وفكرة
جاهزين لبكرة
ابدأ أكافح واجتهد
عيلتي في ضهري
على نفسي لازم اعتمد
بلدي تكون أحلى بلد
هبدأ حياتي من جديد
والفكرة هاتكون شيء وليد
دا حب بلدي ف الوريد
وحلمي من الليلة أتولد
بايدينا يتحول حقيقة
نوعدكوا مش هنسيب دقيقة
لأخواتنا هانكون السند
لكل شاب وكل بنت
الأمل في بكرة جد
والدنيا دي للمجتهد
بتقوله فكر يا ولد
وأنا بأفكارك آمنت
ودعوة أمي
تمحي لي همي
وتقولي يا ابني
أفديك بدمي
وقفة أبويا
وأختي وأخويا
علشان عيونهم
عشقت أسمي
